09/05/2014 15:45:10

Berlusconi fillon shërbimin social

Ish kryeministri u prit nga turma në derën e institutit. Një prej sindikalistëve i veshur si klloun ka kërkuar burg për ish kryeministrin

CESANO BOSCONE - Ish-kreu i qeverisë italiane, Silvio Berlusconi mbërriti paraditen e sotme në një qendër të specializuar në Cesano Boscone për kryerjen e dënimit me punë të detyruar në interes të komunitetit për një vit, pranë të sëmurëve me Alzaimer, bëhet e ditur nga media. Makina e ka shoqëruar në hyrjen e godinës San Pietro në pjesën e brendshme të institutit “Familja e Shenjtë”. Ai zbriti shpejt, pa dashur të japë deklarata para dhjetëra gazetarëve të pranishëm që ndodheshin në një distancë të konsiderueshme. Një sindikalist i maskuar si klloun, i cili kishte mundur të hynte pavarësisht masave të rrepta të sigurisë, e ka sfiduar me anë të thirrjeve “Berlusconi në burg”, “Endrra e klasës punëtore italiane është të shohë Berlusconin në San Vittore”, burgu i Milanos.

HermesNews - ©2014

Dërgo me email | Stampo artikullin